Tîmanê Awankerdişê Haştîya Komelî yê Amerîka (CPT) pare kerd ke 2015 ra nata dewleta tirke tewr tay 4 hezar hêrişê hewayî, hêrişê erdî û bombardumanî vera Başûrê Kurdîstanî kerdê û nê hêrişan de 123 kesî ameyê qetilkerdene.

Tîmanê Awankerdişê Haştîya Komelî yê Amerîka (CPT) raporê serê hêrişanê dewleta tirke ya yê vera Başûrê Kurdîstanî eşkera kerd. 

Rapor de verî hêrişê dewleta tirke yê vera dewa Perexî ya Zaxoyî ame vîrvistene û ame vatene ke nê hêrişî de 9 kesî ameyê qetilkerdene û 24 kesî zî birîndar bîyê. Rapor de ame vatene ke Tirkîya hewt serrî yo hêrişanê vera Başûrî rê dewam kena. CPTyî raporê xo de da zanayene ke pare kerd ke 2015 ra nata dewleta tirke tewr tay 4 hezar hêrişê hewayî, hêrişê erdî û bombardumanî vera Başûrê Kurdîstanî kerdê û nê hêrişan de 123 kesî ameyê qetilkerdene. 

CPTyî îfade kerd ke nê hêrişan bi giranî tesîrê şarî kerdo. CPTyî pê hesna ke se ra 13 kesê ke ameyê qetilkerdene, cinî yê, se ra 6ê înan doman ê û 500 dewî zî binê gefê vengkerdişî de yê.