Heyetêka Komîteya Astengkerdişê Îşkence (CPT) mabênê 6-17 Gulane de amey Tirkîya û çend hepisxaneyanê Tirkîya de teftîş kerd.

Heyeta CPT ke tede 6 kesî estbî Anqara, Diyarbakekir, Îstanbul û Ruha de binê kontrolê polîsan de 100 hepsîyan dir qisey kerd. Heyeta ke serekîya ci Mykola Gnatovskyy kerdêne şîy Îmralî û uca de Serekê PKK Abdullah Ocalan û 4 hepsîyanê bînan dir pêvînayîş kerd.

Serekê Heyeta CPT  Gnatovskyy derheqê hepisxaneyanê Tirkîya de qisê kerd û va: Ma hepisxaneyan de seba îşkence hepsîyan de qisê kerd. Ma seba îşkence tespîtê xo kerd. La semedo ke hukmatê Anqara raporanê ma tesdîq nêkeno, ma nêeşkenê raporanê xo aşkera bike.

Gnatovskyy îzah kerd ke înan rîyê hukmatê Anqara ra hema raporê 2017, 2018 aşkera nêbîyê û wina va: Ma hepisxaneyan de 100 hepsîyan dir qisê kerd. Mîyanê înan de doman, cinî, camêrd û nêweşî estbî. Ma zafê înan ra eşnawit ke Tirkîya de îşkence esta. Ma şîy Îmralî û Serekê PKK Abdullah Ocalan dir zî qisê kerd. Ma raporê xo hadre kerdê. Raporê ma sexlem ê. La çi heyf ke hukmatê Tirkîya destur nêdano ma raporanê xo aşkera bike.