22ê Cotmeha 1993an de,di bûyera ku di rayagiştî de wek 'Komkujiya Licê' hat nasîn, li Licêya navçeya Amedê 14 welatî hatibûn qetilkirin û leşkerek û Fermandarê Cendirmê yê wê demê Bahtiyar Aydin jî miribûn û tekane tawanbarê vê komkujiyê fermandarê bi navê Eşref Hatiboglu serbest hatibû berdan.

Biryara bihincet a doza Komkujiya Licê ku berê bi serbestberdana tawanbaran encam dabû, hat eşkerekirin.

Li gor Dadgeha Yekemîn Cezaya Giran a Îzmîrê, bûyera Licê, nikare wek 'kiryarên leşkeran' bê pênasekirin da ku palpişteke şênber nîne. Sucdarkirinên di îdianameyê de giş îdia ne bes beyanetên leşker û polêsan jî nîşaneya vê yekê ne ku bûyer, êrîşeke terorîstî ye.