Dadgeha Bilind a Brîtanyayê biryara radestkirina bo Amerîkayê ya damezrînerê Wikileaksê Julian Assange ragihand.

Hikûmeta Amerîkayê ji bo radestkirina Julian Assange serî li Dadgeha Bilind a Brîtanî dabû û dadgehê jî biryara redkirinê ya dadgeha herêmî ya radestnekirina Assange betal kir ku êdî wê Assange bo Amerîkayê were radestkirin.

Julian Assange ji ber ku di Wikileaksê de belgeyên nepen ên rêveberiya Amerîkayê di salên 2010-2011 de belav kiribûn bi sîxurtiyê hatibû tohmetbarkirin û xwe radestî balyozxaneya Ekvador a li Brîtanyayê kiribû. Li Amerîkayê ji bo Assange heta 175 salan ceza tê xwestin.