Cerganê DAÎŞî hêrişo ke paytextê Avusturya Viyana de 2ê teşrîna verêne de ame kerdene û 4 kesî tede kişîyayî, girewt xo ser.  

Cerganê DAÎŞî telegramî ser o eşkerayîyêke daye û hêrişê Viyana girewt xo ser.

Goreyê Wezîrê Karanê Zereyî yê Avusturya hêrişê terorî de 3 kesî kişîyayî û 22 kesî birîndar bîyî. Hêriş de hêrişkaran ra yew zî hetê polîsan ra ame kiştene.

Goreyê Wezîrê Karanê Zereyî yê Avusturya Karl Nehammerî hêrişker seba ke nîsana 2019î de xîret kerdbi le şoro Sûrîye û tewrê DAÎŞî bibo amebi hukmkerdene û cezaya zîndanî ya 22 mengan dîyabî ci. Hêrişker kanûna vîyarte de amebi veradayene. Selahîyetdaran eşkera kerd ke hêrişkero ke kişîya sempatîzanê DAÎŞî bi.