Xaneqîn de rîyê hêrişê çeteyanê DAÎŞ’î ra di sivîlî û di leşkerê Iraqî birîndar bîyî.

Terorîstanê DAÎŞ’î vizêr şewe herêma Şêx Bawe ya serê bajarekê Gulale ya qezaya Xaneqînî ya Dîyale de hêrişê eskeranê artêşa Iraqî û sivîlan kerd.

Goro ke zanîya, serê rayîrê mabênê qezaya Kelar û Gulale de mayîna ke verî ameybî ronayîş otomobîlêk de teqîyaya, la çîyêk nêbi çewî. Naye ser sivîlî û eskerê artêşa Iraqî şîy cayê teqayîşî.

A game terorîstanê DAÎŞî hêriş kerd. Netîceyê hêrişî de 2 sivîlî û 2 eskerê artêşa Iraqî birîndar bîyî. Birîndarî neqlê nêweşxaneyê Kelarî bîyî.