Hukmatê Danîmarka da eşnawitene ke ê do 22 hemwelatîyanê xo yê ke kampanê Rojawanî de yê peyser bîyarî welatê xo.

Wezîrê Edaletî yê Danîmarka Nick Hekkerupî eşkera kerd ke 22 hemwelatîyê înanê ke rîyê tekîlîya bi DAÎŞî kampanê Hol û Rojî de yê do peyser bîyarê welatê xo.

Hekkerupî vat: ''Kesê ke do peyser bîyerî rîyê kerdişanê xo ra do bêrê muhakemekerdene, ê ganî hesabê kerdişanê xo bidê.''

Hukmatê Danîmarka xeylêk wexto israr kerdêne ke wa hemwelatîyê Înan ke Sûrîye de pîya bi çeteyanê DAÎŞî têgêrayî peyser nêrê girewtene. Hukmatî nê kesî sey tehdîtê asayîşê welatî girewtêne dest la seba ke grûbê heqanê merdiman zaf şîyî hukmatî ser peyser game ameye eştene.