Ji alîkî ve karên amadeyî yên festîvala ku dê di 02.09. 2017 de li Kopenhaginê were lidarxistinê. Ji alîyekî din ve karên dîplomasî û ragihandinê. Û ji alîyekî din ve jî karên serwextkirin û birêxistinîkirina Kurdistanîyên bi kelcanekî germ dimeşe.

Di  26.08.2017 di derbarê referanduma serxwebûna Kurdistanê de, komîteya serwextkirin û birêxistinîkirina Kurdistanîyên li bajarê Alborg ya Danimarka yê, semînerkî pêkanî.

Semîner ji alîyê kurdên li bajêr ve hatibû amedekirinê. Semîner bi srûda netewî û rêzgirti bo pakîya canê şehîdên doza azadîya Kurdistanê destpê kir.

Li dû rêzgirtinê, axafêr berpirsê lijna Danîmark ya PDK Musa Reşîd û dûre jî berpirsê rêxistina PAK/Danmark Mîrza Akar li ser giringî û naveroka referandûmê axifîn û bi giranî îşaret bi giringîya tevlêbûna dengdanê bo referandûmê kirin.

Li dû axaftina axafêran û 10 deqe bênvedanê, di beşa pirs û bersivan de, beşdar li gel bîr û boçûnên xwe pirsên xwe jî kirin. Axafer jî her yek ji alîyê xwe ve bersiva pirsan da.

Gelek beşdar ji bo kar û xebatê xwe pêşnîyar kirin.

Semîner, di atmosferekî germ de bi dawî hat.