Wezîrê Bergîriyê yê Tirkiyê Hulusî Akar di derbarê naveroka hevdîtinên berpirsên leşkerî yên Amerîka û Tikriyê ya ji bo avakirina herêma ewle ya li bakurê Sûriyê de agahî dan.

Akar dibêje, hevdîtin erenî û baş derbas bûne. Divê kûrahiya herêma ewle heta 40 kîkometre be û YPG di wê herêmê de cih negre.Herwiha divê çekên giran ji herêma ewle were derxistin.

Wezîrê Bergîriyê yê Tirkiyê amaje bi wê yekê kir, şandeya Amerîkayê nêzikî van şert û daxwazên wan bûye û ew hêvî dikin ku Amerîka piştgiriya xwe ya ji YPGê re bidawî bike.

Akar herwiha tekez kir, Ji bo operasyona rojhilatê Firatê hemû pilan û amedekariyên wan temam bûne.

Di du rojên bûrî şandeke leşkerî ya Amerîkî ji bo guftûgokirina egera avakirina herêma ewle li Rojavayê Kurdistanê li Enqerê bi berpirsên Wezareta Bergîriyê ya Tirkiyê civiyabû.

Gefên Tirkiyê yên destpêkirina operasyoneke leşkerî li rojhilatê Firatê berdewam in û Serokomarê Tirkiyeyê Recep Tayîp Erdogan beriya niha 3 rojan gotibû ewê dijî rojhilatê Firatê operasyon bikin û Amerîka û Rûsya jî bi vê yekê agahdar kirine.