Qezaya Çewlîgî Darahênî de wextê girênayîşê helawe (bims)  yo. Semedo ke mintiqaya Darahênî de tûyî resayê, şarê Darahênî înan girêneno û cira helawa tûyan peyda keno.

Helawe (bims) mîyanê Kurdan de arayî de timî cayê xo gêna. Darahênî de wextê girênayîşê helawe de şar tuyêran ra tûyanê xo arêdano, adirê xo wekeno, lênê xo nano ro û tûyanê xo girêneno. 

Bi ameyîşê hamnanî darî fêkîyanê xo dane, şar zî nika ra xo semede zimistanî hadre keno. Dewanê qezaya Darahênî  de tûyêrî zaf ê. Dewijî zî tûyêran ra tûyanê xo çînenê, girênenê û ci ra helawe (bims) peyda kenê. 
Şarê Darahênî vano “Eke tûyî nêrê arêdayîş wextêk ra pey zîyan benê. Semedo ke wa tûyî ziyan nêbê ma zî çînenê û helawe virazenê. Girênayîşê tûyan ma de edetêko verên o. Verînanê ma zî wina kerdêne. Ma hetêk ra zî edetê verînanê xo vîr nêkenê û domnenê. Zemanêk kar, gure zaf bi. Verînanê ma her serê sibayî kuçikêk helawe werdêne û bi wina dest bi xebate kerdêne. Ma zî nika xebitîyenê, zimistan zî helawa xo wenê”