Serekwezîro verên Ahmet Davutogluyo ke, keno ke partîyêka newe rono zî ame Dîyarbekir û derheqê meseleya Kurd û Kurdan de çîyê nermî û ecêbî vatî!

Nê rojan de sîyasetmedarê Tirkan derheqê Kurdan de çîyanê nerman vanê û kenê ke destegê Kurdan bigîrê.

2 rojî verî serekê CHP Kemal Kiliçdarugluyî vatbi: Gere parlemento heqanê Kurdan qebûl biko û semedê ney qanûnanê xo bibedilno.
Serekwezîro verên Ahmet Davutogluyo ke, keno ke partîyêka newe rono zî ame Dîyarbekir û derheqê meseleya Kurd û Kurdan de çîyê nermî û ecêbî vatî!
Serekwezîro verên Ahmet Davutogluyo ke demê şerê Kobanê, şerê bajaran, talankerdiş û rijnayîşê Sûr, Cizîre û xeylê bajaranê Kurdan de Serekwezîrê Tirkîya bi vano: Kurdê Sûrîye amê perçekerdene. Ma wazenê wa Sûrîye û her ca de heqê Kurdan û ê miletanê bînan bêrê dayane û naskerdene.
Davutoglu semedê  Herêma Kurdistanî vano: Wexto ke mi serekwezîrîya karanê teberî kerdêne mi zaf qîmet dênê Herêma Kurdistan. Ez zaf rey ameya Silêmaniyê, Hewler û Kerkuk. Mi timî uca de semedê aştî xebate kerde.
Davudogluyî semedê Rojavayê Kurdistanî zî va: “Kurdê ke mîyanê sinoranê ma de yê û Kurdê ke mîyanê sînoranê Iraq û Sûriyê de yê, qederê înan yew o. Tirkîya welatê pêruna Kurdan a. Ma gere Kurdanê Sûrîye fehm bike û piştî bide înan. Mi o wext Serekê Rejîmê Sûrîye Beşar Esadî ra waştbi wa heqanê Kurdan bido la Esadî goşdarîya mi nêkerd.
Wexto ke bajar û qezayê Kurdanê Başurê Kurdistanî bi aşman amê bombardumankerdiş, wexto ke Kobanê de şerê mabênê DAIŞ û YPG estbi, wexto ke prosesê aştî ame qedênayîş serekwezîrê Tirkîya Ahmet Davutoglu bi.