Serekê Pêroyî yê Partîya Deva Alî Babacanî û Serekê Partîya Ameyoxî Ahmet Davutogluyî vera dewaya qefilnayîşî ya vera HDPyî nêrazîbîyayîşê xo mojna.

Serekê Pêroyî yê Partîya Deva Alî Babacanî û Serekê Partîya Ameyoxî Ahmet Davutogluyî vera dewaya qefilnayîşî ya vera HDPyî hesabanê xo yê twitterî de nêrazîbîyayîşê xo mojna.

Babacanî vat: ''Pê rayîrê hukmî xîretê qefilnayîşê partîya bi 6 mîlyon rayan weçînitoxan rê bêhûrmetî ya. Demokrasîyê ma eşkeno  cayêk de fikranê cîyayan ser o qisey bikero.  Qefilnayîşê rayîrê sîyasetî welat mîyanê neçarîye de verdeno.''

Davutogluyî vat: ''Qefilnayîşê partîya sîyasî, xesbkerdişê wekilîtîye verê Tirkîya anêkeno, haştîya komelî çin keno. Êyê ke 2053 hedef kenê, qala newekerdişê qanûnê bingeyî kenê, wazenê Tirkîya bivisnê rewşa serranê 90an. Ma do heta peynî demokrasî û sîyaset bipawê.''