Li kombûna rêberatî ya Hizba Dêmokrat a Kurdistana Îranê de nûtirîn guherînên siyasî yên Kurdistanê, Îran û deverê hatine berhevdanê û tekezî li ser vê hate kirin ku komra îslamiya Îranê piştî zêdetir ji 4 dehikan çêkirina kirîzan û alozkirina Rojhilata Navîn, lawaztir ji her demekê ye û rastî mezintirîn qeyrana rewatiya siyasî hem li navxwe û hem li nava civatgeha cîhanê hatiye.

Kombûna rêberiya Hizba Dêmokrat a Kurdistana Îran, roja Dûşemî 16ê Rezberê, bi beşdariyta nêzî bi tevav a endamên rêberatî û bi armanca gengeşekirin û hilsengandina rewşa siyasî li Îran û deverê û hertwisa karlêkeriya wê rewşê li ser xebat û tekoşîna Gelên Îranê û tevgera siyasiya Kurdistanê bi rê ve ço.

Kombnûn bi ragitina xulekek bêdengî bo rêzgirtin ji yad û bi bîranîna şehîdên Hizba Dêmokrat û xebata mafxwazaneya gelê Kurd li Îranê dest pêkir. Piştre rêzdar Mistefa Hicrî, berpirsê Navenda Birêveberiya Giştî ya Hizba Dêmokrat a Kurdistana Îranê, şiroveya Navenda Birêveberiya Hizbê li derheq nûtirîn guherînan ên siyasî û dîtingeh û siyaseta Hizba Dêmokrat li hember bûyer û pêşhatên siyasî yên rojevê, şirove kirin. Li beşên din ên kombûnê de endamên rêberatiyê, dîtingeh û raya xwe li ser wan mijaran pêşkêş kirin û navenda Birêveberî ya Hizbê bo hejmarek erk û berpirsayetî, erkdar kir.

Rêberatiya Hizba Dêmokrat bi hilsengandina şerê nû yê li deverê ku li sala derbasbûyî de bi êrîşkirina Hemasê bo ser Îsraîl, dest pêkir û niha kevtiye duyemîn sala xwe de, li ser wê baverê bû ku komara îslamiya Îranê ku bizvîner û agirhilkerê wî şerî bû, hizir nedikir paşhatên bi ew qas giran bo ser xwe li pey xwe bîne. Komara îslamiya Îranê li yekem salê de bi rêya hêzên mnilîsên xwe û herwisa bi 2 car êrîşkirin bo ser Îsraîlê, beşdariya rasterast li vî şerî de kiriye. Şerik ku li wir de rewatî û pêgeha siyasî ya komara îslamî li civaka cîhanê de zêdetir ji caran bire jêr pirsyarê û niha pitir ji catran bo metirsiyeke mezin bo ser cîvaka navnetewî tê hisêb. Şerik ku ne şerê gelên Îranê nine, belku li dûr û nêzîk ve jî ti pêywendiyek bi Îranê ve nîne, ku çi komara îslamiya Îranê li wî şerî de ji aliyekê darayiya dehan saleya welat bo şerxwazî, tirorîzma navnetewî û çekdarkirina milîsên xwe bi heder daye, û ji aliyeke din ve jî xelkê Îranê bo îdeolojiya xwe bi barimte girtiye. Şerik ku rêjîm bi tevavî têde torandiye û şikest xwariye, lê li warê hişariya siyasî û hevxebatiya opozîsiyona rêjîmê dibe ku bi qazanca tevgera nerizayetî û rizgarîxwaziya gelên Îranê be.

Rêberatiya Hizba Dêmokrat a Kurdistana Îranê li vê beşê de bi şirovekirin û hilsengandina xwe ku wa hizir dike hekî opozîsiyona komara îslamî li vê qonaxê de bi sehtir û amadetir ji caran reftar bike, hekî li ser binyata vêjmana hevpar bo derbasbûn ji komara îslamî û avakirina Îranê paşerojê, micidtir hewlê bo pêkanîna alternatîva li dijî rêjîmê bide û herwisa bikare şiyan û hêza xebatkariya hemû aliyan bi dijî rêjîmê kom bike, li vê rewşê de bikare destkevtên zor û bi nirx li berjewendiya xebata mafxwazaneya gelên Îranê bi dest xwe ve bîne.

Kombûna rêberatî ya Hizba Dêmokrat a Kurdistana Îranê li jêr ronahiya ceribandinên pêtir ên paşekêşiyên rêjîmê li wan deman de ku dikeve jêr givaşa derve, dikeve tengasiyê û şiyana domandina siyasetên xwe ên îdeoloijîk ji dest dide, wek vexwarina cama jehrê ji aliyê Xumêynî û erêkirin a sekinandina şer digel Îraqê an paşekêşiya Xamineyî ji lihevkirina Bercamê û paşekêşiya qehremanane, ew rewşa bi qazanca pêşveçona xedbata mafxwazaneya gelên Îranê li navxweyê welat şirove kir. Herwisa li vê derheqê de jî bo çêkirina baweîpêkirin û yekgirtin û hevxebatiya zêdetir li navbera netewan li Îranê û praktîka pitir a opozîsion û aliyên siyasî yên li dijî komara îslamî bi erkê hemûyan û hewcehiya herî giring a xebat û têkoşîna siyasî ya niha hate hejmartin.

Kombûna rêberatî ya Hizba Dêmokrat a Kurdistana Îranê piştî gengeşekirin li ser çend mijarên pêywendîdar bi pêvajoya xebat û tekoşîna siyasî li Rojhilatê Kurdistanê û anînebrbas a hejmarek mijarên navxwe û nav teşkîlata Hizbê, dawî bi karê xwe anî.

Hizba Dêmokrat a Kurdistana Îranê

Navenda Birêveberî

Çavkanî: Kurdistan Media