Xelkê şoreşvan û berxuder yên Sîstan û Belûçistanê!

Hevwelatiyên şoreşger!

Di demekê de ku tevgera nû û nerizayetiyên şeqaman li seranserê Îranê 8`emîn hefteya xwe derbas dike û her roj hejmarek zêde ji tev qatên xelkê tevlî xwenîşandan û nerizayetiyan dibin, serkutkarên rejîmê zêdetir ji berê û bi awayên hovanetir dest bi serkutkirina xelkê nerazî didin ku, bi destên vala û bi silogana sernixûniya rejîmê derkevtine ser şeqaman.

Duh di xwenîşandanên bajarê Xaş a ser bi Sîstan û Belûçistanê de, ji ber teqeya rasterast ya hêzên serkutkar ji xwenîşanderan, mixabin hejmarek ji xelkê bê berevan şehîd û hejmarek jî birîndar bûn.

Navenda Hevkarî ya Partiyên Kurdistana Îranê, vê cinayeta nû ya Komara Îslamî bi tundî şermezar dike û ji malbatên can jidestdayan û xelkê Belûç re sersaxiyê dibêje û hêviya başbûnê bo birîndaran dixwaz e.

Em xelkê Kurdistanê piştevaniya dubare ya xwe ji nerazîbûnên xelkê li Belûçistan û cihên din yên Îranê re radigihînin û li ser vê baweriyê ne ku, Komara Îslamî a Îranê li dawîn rojên temenê xwe de ye û her bi vê sedemê jî daxwaza berfirehtirbûna nerizayetiyên xelkê li seranserê Îranê heta sernixûniya rejîmê dikin.

Bijî hevgirtin û yekîtiya hemû neteweyên Îranê!

Biherife Komara Îslamî ya Îranê!

Navenda Hevkarî ya Partiyên Kurdistana Îranê

14`ê Xezelwera 1401`an

5`ê Çiriya Paşîn a 2022`an

Çavkanî: Kurdistan Media