Hepisxaneyê Xarpêtî de 15 hepsîyê sîyasî demêko dergo ke semedê tecrîdî rojeyê mergî de yê. Vajîyeno ke kesê ke xarpêt de greva rojeyê mergî de yê hetê îdareyê hepisxaneyî ra erzîyayê hucreya yewkesine.

Heto bîn ra vajîya ke malzemeyê sey kitab, pakker, qelem û fotografî zî nêdîyenê hepisîyan. Heto bîn ra Dayîkê Aştîyê ke qijê înan hepisxaneyan de greva vêşanî û rojeyê mergî de yê, semedo ke vengê xo bidê hesnayîş verê xo day Anqara.

Dayîkê ke sey Dayîkê Laçiksipî zanîyenê çend aşmîyo ke meydnana de yê û kenê ke vengê xo seba qijanê xo vejî. La dayikî her tim rastê şîdetê polîsan yenê û polîsan ra kuwayîş wenê. Dayîkan Meclîse de salona Kombîyayîşî ya HDP de dest bi nobeta roniştişî kerd.

Dayîkê ke qijê înan greva vêşanî de yê wazenê Wezîrê Edeletî û Serekê Meclîse de qisey bikê û derdê xo rê derman bivînê.

Dayîkan ra Nezahat Teke vana “ Heta ke tecrîdê Îmralî nêqedîyo domanê ma fek gerava vêşanî û rojeyê mergî ra veranêdanê. Nika 30 kesî hepisxaneyan de dest bi rojeyê mergî kerdê. Beno ke xebera mergê înan bêro ma. Heta nika 8 kesan nê semedî ra canê xo da. Ma nêeşkenê merdişê înan temaşe bike.”