Serekê DEDEFî Alî Haydar Benî vano: Dêrsim de operasyonê eskerî  benê sebebê vêşayîşê daristanan û bi no qayde kenê ke wa şar Dêrsim ra koç bikero.

Rîyê operasyonanê eskerîyan ra çar hetê Kurdîstanî de dar û daristanî hê vêşenê. Şewato ke 1ê hezîrane de Pîran de dest pêkerdo hema zî dewam keno. 

Serekê Pêroyî yê Federasyonê Komeleyan ê Dêrsimî (DEDEF) Alî Haydar Benî vano ke: Serranê 90an de dewî ameyêne vêşnayene û 2016î ra nata zî daristanî yenê vêşnayene.  Nê şewatî zerar danê xoza û gandaranê Kurdîstanî û warê cûye texrîb kenê.

Benî vat: '' Şarê herême wazeno şewatî rê mudaxele  bikero. La yeno astengkerdene. Ganî ma wayîrê xozaya xo vejîyê. Ege de zî şewatî qewimîyenê. La dewlete cade mudaxeleyê nê şewatan kena. Herêma ma de eşkerayîyî dîyenê, sozî dîyenê la mudaxele nêno kerdene. Selahîyetdarî vanê 'Şewat gêrîya binê kontrolî.' La şewatî dewam kenê. Dewlete qestî ra mudaxele nêkena. Dewlete Kurdîstan de çarçewa polîtîkaya bêmerdimverdayîşî de têgêrena û wazena waranê Kurdîstanî veng bikera.''