Serokatiya Parlamentoya Kurdistanê dema civîna Parlamentoyê destnîşan kir û vexwandina fermî ji parlamenteran re rêkir.
Malpera fermî ya Parlamentoya Kurdistanê bangevaznameyek bi îmzaya seroka Parlamentoya Kurdistanê Dr. Vala Ferîd ve belav kir û hemû parlamenter vexwandin bo civîna roja 06.07.2019ê.

Daxuyanî waha ye:

Bangevaz bo hemû endamên birêz ên Parlamentoya Kurdistanê.
Li gor hukmê birgeya sêyem a madeya 18ê ya peyrewa navxwe ya Parlamentoya Kurdistan – Iraqê, me biryar daye bang li hemû endamên birêz ên parlamentoyê bikin, bo rûniştina hejmara 10 a asayî, ya sala yekem a dema helbijartinên 5em a Parlamentoya Kurdistan – Iraqê, ku rûniştin roja 06.07.2019ê demjimêr 11:00ê dê pêkbê û tîka dikim dema diyarkirî de amadebin.

Li gel rêz

Dr.Vala Ferîd Îbrahîm
Seroka Parlamentoya Kurdistanê.