Hemserekê HDP yo verên Selahattîn Demîrtaşî derheqê weçînayîşê Îstanbulîyo ke hetê YSK ra ameyo betalkerdiş û do 23ê Hezîrane de bêro newekerdiş de qisê kerd.

Demîrtaşo ke hepisxaneyê Kandira de maneno avukatanê xo ser o qisê kerd.
Demîrtaşî îzah kerd ke o do 23ê Hezîrane de zî desteg bido namzetê CHP Ekrem Îmaloglu û wina vano: Heta ke kulturê demokrasî çin bo merdim nêeşkeno talan, bêusulî û dizdî dir serevejîyo. Gere ziwanê dişmenetî û ziwanê cîyakerdişî bêro terkkerdiş.

Demîrtaşî îzah kerd ke Ekrem Îmamoglu rê destegê şarî esto,esmedo ke wa no desteg dewam biko gere Îmamoglu gorê kulturê demokrasî xebate biko û wina va: Xora partîya ma semedê 23ê Hezîrane ifkrê xo beyan kerda. Ez zî sey partîya xo fikrîyena û onca desteg dana namzetê CHP Ekrem Îmamoglu. 

Sek zanîyeno îstanbul de namzetê CHP Ekrem îmamoglu bi destegê HDP û Îyî Partî weçînayîş qezenc kerdbi û îmamoglu bibi serekê Beledîyeya Îstanbulî. La YSK îtîrazê AKP û MHP ser qerarê newekerdişê weçînayîşê îstanbulî da û weçînayîşê îstanbul 23ê Hezîrane de yeno newekerdene.

Weçînayîşê Îstanbulî de namzetê CHP onca Ekrem îmamoglu yo û yê AKP û MHP zî newe ra Bînalî yildirim o.