Cigêrayox Omer Şahîn û Îbrahîm Guneşî bi nameyê ‘Dengbêj Huseyno’yî kitabêk veto. Kitab hetê Weşanxaneyê Nûbiharî ra ameyo çapkerdiş.

Nê her di cigêrayoxan verê cû bi nameyê ‘Dengbêj Reso’ û ‘Dengbêj Şakiro’yî di kitabê bînî zî vetibî. Nika zî rêzekitabanê ‘Antolojîyê Dengbêjan’ de kitabo hîrêyin vejîyayo. Guneş û Şahîn derheqê xebata xo de vanê, “Ma waşt bin a xebata xo seba cigêrayîşanê dengbêjîya Kurdan de bingehêko qeyîm awan bikerê. Kesê ke biwazê dengbejan ser o bixebitîyê, w ana xebata ma înan rê biba destegîre.” Înan bi 20 serran de 400 kasetê dengbêjan dayê arê. Dima înan ê deşifre kerdê û nê deşifrasyonan ra zî heta nika 3 kitabî vejîyayê. Înan kilamî panc kategorîyan de tesnîf kerde; ‘Kilamê Serewedartişî’, ‘Kilamê Eşqî’, ‘Kilamê Şerê Eşîran’, ‘Kilamê Xozaye û Cuye’ û ‘Destanî’. Înan vato seba ke mîyanê kilamanê Huseynoyî de destanî çin ê, ma xebata peyêne de ca nêda kategorîya ‘Destanî’.