Berdevkê Wezareta Pêşmerge yê Herêma Kurdistanê bersiv da daxuyaniya Sererkanê Hêzên Çekdarên Îranê ku “Li gorî nûçeyekê Ajansa Tesnîm a Îranê, Sererkanê Îranê Baqirî derbarê giştprisiya 25ê Îlonê ya Herêma Kurdistanê de gotiye, qet nabe giştpirsiyeke wiha were kirin.”

Li gorî rûdawê; Wezareta Pêşmerge di bersivê de diyar kiriye: “Ew ji vir ji hemû aliyan re radigihînin, ku derbarê mafên gelê Kurdistanê de axaftin ne karê wî birêzî ye û ev yek weke deswerdaneke eşkere li karûbarên navxwe yê Kurdistanê tê hejmarkirin.”

Di daxuyaniyê de tê gotin; “Giştprisî mafekî rewa û siruştî yê gelê Kurdistanê ye û ji xeynî gelê Kurdistanê, mafê ti kesên din nîne li ser biaxive.”

Sererkanê Îranê Mihemedhisên Baqirî serdana Tirkiyê kiribû û li wê vê beyanê dabû.