Serdozgerîya Komare ya Amedî derheqê 20 avûkatanê endamanê OHDyî de bi îdîaya 'endamîya rêxistine' tehqîqat da destpêkerdene. Avûkatan mudirîya polîsan de îfade da.

Derheqê 20 endamanê Komeleya Huqûqnasan a Seba Azadîye (OHD) de Serdozgerîya Komare ya Amedî bi îdîaya 'endamîya rêxistine' tehqîqat dîya destpêkerdene. Avûkatan çarçewa tehqîqatî de Wan, Amed û Êlih de mudirîya polîsan de îfade da.

Dîya zanayene ke tehqîqat de avûkatîya Komeleya Hetkarî û Paştdayîşê bi Merdimanê Vînîbîyayeyan (MEBYA-DER) sey sûcî hesibîyaye. Îfadeyanê avûkatan de derheqê MEBYA-DERî de persî ameyî perskerdene.

Avûkatan ard ziwan ke seba ke dosyaya tehqîqatî ser o qirarê nimite esto ê muwtewaya ci nêzanenê û vat: ''Wextê îfadeyî de seba gerreyanê ma yê serê goristanan û avûkatîya MEBYA-DERî persî ameyî perskerdene. Ma rê ame perskerdene ke ma endamê MEBYA-DERî yê yan nê. Eşkera yo ke pêro xebatê ma yê avûkatîye çarçewa sûcî de ameyê ercnayene.''