Badê operasyonê vera HDPyî yo ke bi bahaneyê çalakîyanê Kobanê ame kerdene, Serdozgerîya Komere ya Anqara ya ke cipersayîş rayra bena aşkere kerd ke çarçewa eynî cipersayîşî de derheqê 7 wekîlan de  fezleke do bêro amadekerdene.

Serdozgerîya îzah kerd ke, hetanî nika 20  kesî ameyî girewtene û 7 kesê ke hema parlementerî do derheqê înan de zî fezleke bêro amedekerdene.

Eşkerayîye de nê ameyî vatene: ''7 kesê ke wextê qewimîyayîşî de Heyetê Rayberdişê Merkezê HDPyî de bî û hema parlementerê Partîya Demokratîke ya Şaran (HDP) ê, gorey madeyê 83. yê qanûnê bingeyênî çarçewa eynî cipersayîşî de seba ke heqê destnêdayîşê înan bêro wedaritene do fezleke bêro amadekerdene.''