Dêrsim de bi wesîleya 21ê Sibate Roja Ziwanê Dayîke ya Dinya bernameyêk ame kerdene. Bername de bi kirdkî kayê tîyatroyî ame mojnayene û deyîrî ameyî vatene.

Salona konferansî ya Şaredarîya Dêrsimî de bi wesîleya 21ê Sibate Roja Ziwanê Dayîke ya Dinya bernameyêk ame kerdene.

Çarçewa bernameyî de koma tîyatroyî Areyê Kay bi kirdkî tîyatroyêk viraşt. Koroyanê domanan û pîlan zî sehne de hunerê xo pêşkêş kerdî. Bername de hunermend Daîmî Cengîz zî bi kirdkî xeylêk deyîrî vatî.