Roşanê Kal Gaxanî yo ke pêşwazîkerdişê serra newîye yo Dêrsim de bi coşî û rîtuelanê kahanan ame fîrazkerdene.

Roşanê Kal Gaxanî yo ke pêşwazîkerdişê serra newîye yo Meydanê Seyîd Rizayî yê Dêrsimî de bi coşî ame fîrazkerdene. Xeylêk hemwelatîyî tewrê şayîya Gaxanî bîyî.

Çarçewa şayîye de verî eşkerayîya serê Gaxanî ameye dayene, rîtuelê Gaxanî ameyî caardene, govende ameye girewtene, dima zî loqmayî ameyî vilakerdene û findî ameyî tavistene.

Hunermend Metîn Kahramanî şayîye de qisey kerd û vat: ''Gaxan de feqîran rê ardim yeno kerdene. Par ma bale antbî rewşa pezkovîyan ser. Emser zî ma do genim bihêrinê û girîngîya zîretî ser o vinderê.''