Merkezê Xeberan - Wîlayetê Bakurê Kurdistanî Dêrsim de vizêr mabênê gerîlayanê PKK û eskeranê Tirkîya de şer vejîya. Goro ke vajîyeno şer û pêrodayîş de 3 gerîlayê PKKî merdî.

Walîtiya Dêrsimî derheqê pêrodayîşî de beyanatêk da û va, şer demê oprasyonê Pulurî de vejyayo û no operasyon hetê Fermandarîya Cendirmeyan a Dêrsîmî ra dîyayo dest pêkerdiş.

Beyanatê Walîtî de vajîyeno ke, pêrodayîş de 3 gerîlayê PKKî amê kiştene û hêzê înan dest ronayê çekêkê M-16, 2 çekê klaşînkov û tay melzemeyanê bînan ser.

Walîtiya Dêrsimê da zanayîş ke herême de operasyonê hêzê asayîşî dewam keno.

Derheqê şerê vîzîrî yê Dêrsimî de hema hetê PKKî ra beyanatêk nêameyo dayîş.