Dêrsim de wendekaranê Unîversîteya Munzurî gama ke gonvende girewtêne raştê hêrişê polîsan ameyî, tewr tay panc ciwanî ameyî destbendkerdene.

Wendekaranê Zanîngehê Munzurî seba ke zanîngeh de  Waqfê Ciwanan ê Tirkîya (TUGVA)  bi nameyanê Genç Ofis û Merkezê Ciwanan kar keno, vizêr bi şîarê 'Ma zanîngehêkê azad, demokratîk û xoserî' çalakîya rayraşîyayîşî kerde û nê dezgehî protesto kerdî.

Ewro saetanê serê sibayî polîsan pê TOMA û wesayîtanê zirxinan unîversîte girewt binê ablûqa û hêrişê ciwananê ke kampus de gonvende grewtêne, kerd. Polîsan vat ''şima pê govende çalakîye kenê'' û hêrişê înan kerd. Tewr tay panc wendekarî bi şidetê polîsan ameyî destbendkerdene û ameyî berdene Mudirîya Asayîşî ya Bajarî.