Wezaretê Zîret û Daristanî seba seydwanîya pezkovîyan îhale akerd. Pezkovîyî bawerîya elewîyan de fîraz ê û heta nika seydîya ci qedexe bi.

Wezaretê Zîret û Daristanî yê Tirkîya seba ke pezkovîyî bêrê kiştene îhale akerd. Îhale 13ê temmuze de do bêro kerdene. Kesê ke îhale do 'qezenç bikerê' eşkenê Dêrsim de 17 pezkovîyî bikişê.

Pezkovîyî bawerîya elewîtîya Dêrsimî de sey fîraz yenê qebulkerdene. Goreyê bawerîye pezkovîyî dewarê Xizirî yê û seydwanîya pezkovîyan heram a. Serra 2019î de razînêbîyayîşanê şarê Dêrsimî ra dima seydwanîya pezkovîyan amebi qedexekerdene. Nêno zanayene ke qedexe çira wedarîyeno.