Merkezê Xeberan- Qezaya Pêrtagî ya Dêrsimî de zaf domanê lajî yê ke serrê înan mabênê 11 û 16î de yê raştê îstîsmarê cînsî ameybî.

Gerre ame kerdene ke kesê bi nameyê Harun Yildirimo ke Pêrteg de kompîter û telefonanê mobîlan roşeno zaf domananê lajan rê îstîsmarê cînsî kerdo û nê îstîsmarî zî qeyd kerdî. Polîsan keye û cayê karî yê Harun Yildirimî de cigêrayîş kerdbi. Dima ke cigêrayîşan de dîmenê îstîsmarê domanan ameybî dîyene Harun Yildirim amebi tepiştiş û mehkeme de amebi tewqîfkerdiş.

Şarê Pêrtagî vera  hedîseya îstîsmarê domanan vejîya meydanan. Bi seyan kesî verê bînaya Şaredarîya Pêrtagî de ameyî pêser û vera îstîsmarî razînêbîyayîşê xo nişan da. Cinîyan waşt ke ganî na hedîse bêra roşnîkerdene û sucdarî ceza bigîrê.