Merkezê Xeberan - Ame îdîakerdene ke dima ke testê vîrusê Korona yê Şaredarê Dêrsimî Fatîh Mehmet Maçogluyî pozîtîf vejîya xebatkaranê şaredarîye û şarî rê testê vîrusê Korona nêame kerdene.

Hemwelatî û xebatkaran rê ke tede nîşaneyê vîrusê Korona estê, têna tomografî û testê gonî ameyî kerdene.

Xebera ''Dêrsim de vîrus çin o'' û ameyîşê 600 kesan ra dima hemwelatîyî zî zaf qerqilîyenê. Hemwelatîyê ke hamnan  şaristananê bînan ra ameyî, testê vîrusê Korona nêno kerdene.

Hemwelatîyê ke şîyî nêweşxane zî pê vatişê ''Xo bigêrê karantîna'' erşawîyayî keyeyanê xo. Selahîyetdaran  hema zî derheqê babete de eşkerayîyêke nêkerd

Şarêdarê Pilemûrîye Muslum Tosun, Şaredarê Pêrtagî Ruhan Alan, Şaredarê Xozatî Seyfî Geyîk û Şaredarê Pulurî  Mustafa Sarigul ê ke kombîyayîş û aktîvîteyêke de bi  Maçogluyî ameyî têhet seba tedbîrê vera Korona keyeyanê xo de gerîyayî binê karantîna.

Reyna di hemkarê şaredaran û personelo qatê serekîye yê bajarî de xebityayêne ê zî gerîyayî binê karantîna.