Şubeyê SESî yê Dêrsimî vera weçînayîşê vayan û şertanê karî çalakîya warverdişê karî kerde. Xebatkaranê weşîye vat: ''Şertê xebata ma giran ê, meaşê ma her roje sey findî helîyeno.''

Şubeyê Dêrsimî yê Sendîkaya Kedkaranê Xizmetanê Komelkîyan û Weşîye kar war verda. Xebatkaranê weşîye verê Mudirîya Weşîye de eşkerayîye daye.

Xebatkaran da zanayene ke planê budçe yê Meclîsî têdûştîya şertanê xebatkaran xeripneno. Xebatkaran dowîzê sey ''Karê têdûştî rê meaşo têdûşt'' kiriştî.

Hemsereka SESî ya Dêrsimî Serape Karaman eşkerayîye wende. Kahramane da zanayene ke krîzê ekonomîkî ra meaşê înan sey findî helîyenê û şerê înan ê xebatî zî xeylêk giran ê. Kahramane vat: ''Meaşê ma nênê weşkerdene. Hem Wezîrîya Weşîye hem îqtîdar hem zî ê bînî seke pê ma yarî kenê. Ma her roje benê xizanêr. Ma do pê têkoşînî pîya ser bikewê.''