Merkezê Xeberan - Şîrketa otobusan ê Can Dêrsim Tuncelîler seba ke vera vîrusê Korona raywananê xo bipawê karê xo yê resî vindarnayî.

Vîrusê Korona hetê ekonomîkî ra tesîrê warê karê resî zî kerd. Şîrketê otobusan seba ke vîrusê Korona ra dima hûmara raywanan kêmîyaye nêeşkenê zaf kar bikerê.

Şîrketa otobusan Can Dêrsim Tuncelîler seba ke vîrus hîna zêdêr vila nêbo bire daye ke heta 1ê nîsane karê xo vindarna.

Mudirê şîrkete Mehmet Kiliçî derheqê babete de qisey kerd û vat: ''Vîrusê Korona her ke şono bitehluke beno. Coka ma seba weşîya raywananê xo bire daye ke sey tebdîrêk seferê xo heta 1ê nîsane vindarnê. Ma do menga nîsane de goreyê rewşa nêweşîye reyna bifikîrê. Seba ma weşîya merdiman girîngêr a.''