Velî Yildizo ke vizêr şan qezaya Pilemûrîye ya Dêrsimî de ame destbendkerdene bi îdîaya ''endamîya rêxistine'' ame tepiştene.

Qezaya Pilemûrîye ya Dêrsimî de hemwelatîyo bi nameyê Velî Yildiz vizêr sereştişê keyeyê ci de ame tepiştiş.  Yildizo 65 serreyo ke ame îdîakerdene ke derheqê ci de îfadeyê şahîdê mîyanî esto, bi îdîaya ''endmîya rêxitine'' Edlîyeya Dêrsimî de ame tepiştene.

Yildizo ke erşawîya Zîdanê Xarpêtî  pê avûkatê xo mesajêk şawit û vat:  Ma tornê Xizirî yê. Pîrîk û pîrkalê ma zî raştê neheqîye ameyî û zîndananê Xarpêtî mendî. Ma zî bîyê qûrbanê neheqîye. Mi qet zirarêk kesêk nêda. Qet zirarêk ganîyêk nêda.  Mi her kesî rê bêrê xo akerd û hole kerde. Ez rayîrê bawerîya xo de şîya. Ez bîya qûrbanê bêedaletîye. Vajîya ke rîyê endamîya rêxistinî ra qerar ame girewtene.