Hat ragihandin, ji bo ku ava zêde ya li nav Bendava Dîcleyê ku ji ber barana van rojên dawî gelek zêde bûbû vala bikin, devikên bendavê hatin vekirin.

 

Piştî demekê ji ber hêza avê devikekî bendavê veqetiya û kete nav avê.

 

Herwiha ji ber ku ava çemê Dîcleyê jî zêde bû, du devik hatin girtin.

 

Li ser bûyerê keya û niştecihên gundên ser bi navçeya Gêlê ji ber metirsiya lehiyê hatin agahdarkirin.

 

Tîmên cendirme û AFADê li gundên qeraxên çemê Dîcleyê dest bi wergirtina tedbîran kirin.

 

Herwiha ji ber zêdebûna ava çemê Dîcleyê, piraniya bexçeyên Hewselê jî di bin avê de man.