Roniştişê dewaya Denîze Poyraza ke 2021 de bînaya Rêxistina HDPyî ya Îzmîrî de amebî qetilkerdene, de kesêkî waşt ke pê çeke debikewo bînaya edlîye.

17ê hezîrana 2021î de hêrişê vera bînaya Rêxistina HDPyî ya Îzmîrî de Denîze Poyraz amebî qetilkerdene. Roniştişo 6. yê dewaya ke tede kiştox Onur Gencer yeno muhakemekerdene, Mehkemeya Cezaya Girane ya Îzmîrî de yeno kerdene.

Wexto ke roniştişî dewam kerdêne kesêko ke destê ci de çeke est bîye, waşt ke bikewo zereyê edlîye.

Kesê çekdarî çeke ante vat ''Ez do şima pêroyînan bida guleyan ver.''

Polîsan mudaxeleyê kesî nêkerd.

Kesê ke beşdarê roniştişî bîyî, înan vera kesî nêrazîbîyayîşê xo mojna. Keso çekdar dima ame destbendkerdene.