Dewaya Kobanê dest pêkerd. Bi desan avûkatî seba ke ca çîn o nêgerîyayî salone la herinda înan de polîsî ameyî cakerdene. Avûkatan vera nay salone de razînêbîyayîşê xo mojna û salone terk kerde.

Dewaya Kobanê badê 6 serran û 3 aşman dîya dest pêkerdiş.

Dewaya Kobanê ya ke 28ê ci tepişteyî 108 sîyasetmedarî yenê muhakemekerdene dest pêkerd. 
 
Dewa Mehkemeya Cezaya Girane ya Anqara de û Kampusê Zîndanê Sîncanî de  yena vînayîş.  Hemserekê Pêroyî yê HDPyî, wekîlî, îdarekarî, avûkatî, dezgehê komelê sivîlî, temsîlkarê partîyan ê sîyasîyan û rêxistinan û teberî ra tay heyetî dewa teqîp kenê.

Pê bahaneya Korona avûkatî nêgêrîyayî salona mehkeme la herinda avûkatan de polîsê ‘hêzê taybetî’ ameyî cakerdene. 

Avûkatan semedo ke pêro embazê ci nêameyî girewtiş salone de razînêbîyayîşê xo mojna û salone terk kerd. 

Sîyasetmedaranê tepişteyan Bulent Parmaksiz, Alp Altinors, Gunay Kubîlay, Nezîr Çakan, Mesut Bagçik, Zekî Çelîk, Ayşe Yagci, Bîrcan Yorûlmaz, Dîleke Yagli, Emîne Ayna, Emîne Beyza Ustun, Pervîne Oduncu, Sîbele Akdenîz, Ayla Akat Ata SEGBÎSî ser o  beşdarê dewa bîyî.  

Sîyasetmedaranê tepişteyan SEGBÎSî ser o pê çepikan heyetê mehkeme şermezar kerd. Avûkatî zî tewrê protestoyî bîyî û înan da maseyan ro.  Mabênê heyetê mehkeme û avûkatan de nîqaş dewam keno.

Avûkatê Wezaretê Weşîye, selahîyetdarê Wezaretê Karanê Zereyî, avûkatê Yasîn Boruyî, avûkatê AKPyî û Hur Davayî û avûkatê Mudirîya Asayîşî ya Polîsan zî salone de yê.

Sîyasetmedarê ke na dewa ra tepişîyayî wina yê:

Hemserekê Pêroyî yêberê Selahattîn Demîrtaş û Fîgen Yuksekdag, Hemsereka Pêroyîya verêne ya DBPyî Sebahate Tûncel, Hevşaredara verêne ya Amedî Gultane Kişanak, parlementera verêne ya HDPyî Aysele Tugluk, Hemsereka Pêroyî ya verêne ya DBPyî Emîne Ayna, Hevşaredarê Qersî Ayhan Bîlgen, Wekîlê verênî Ayla Akat Ata, Beyza Ustun, Îbrahîm Bînîcî, Gunay Kûbîlay, Endamê Heyetê Rayberdişê Merkezî Alp Altinors, Endamê Komîsyonê Têkilîyanê Teberî yê HDPyî Nazmî Gur, Endamê HDPyî yê RTUKyî Alî Urkut, Zekî Çelîk, endamên verênî yê Heyetê Rayberdişê Merkezî Can Memîş, Cîhan Erdal, Îsmaîl Şengul, Mesut Bagcik, Bîrcane Yorulmaz, Dîleke Yagli, Pervîne Oduncu, Berfîne Ozgu Kose, Ayşe Yagci, Zeynepe Olbecî, Nezîr Çakan û Meryeme Adibellî.

11 welatan ra nê 11 heyetî dewa teqîp kenê:

Marta Rosique -Partîya Çepe ya Komargeran a Katalonya, Sekretero Pêroyî yê Komîsyonê Mîyanneteweyî yê Max Zanartu-Barselona, Eulàlia Reguant-Parlamenterê Meclîsê Katalan, Oihana Etxebarrieta Legrand-Bask BILDU, Francois Alfonsi-AP Endamê Koordînasyonê Koma Dostanîya bi Kurdan / Greens/EFA Parlamenter, Ana Miranda-Parlamentera Koma EFA ya Parlamenta Ewropa, Jean-Christophe Sellin – Hemkoordînatorê Partîya Çepe ya Fransa û Endamê Meclîsê Herêmî, Eric Coquerel – Endamê Meclîsê Neteweyî yê Partîya Fransa ya Serînatewîne, Emilie Marche-Endama Meclîsê Neteweyî yê Partîya Fransa Serînatewîne, Brando Benifei-Parlamenterê Koma Demokratan û Sosyalîstan a Parlamenta Ewropa, Evîne Încir-Parlamentera Koma Demokratan a Parlamenta Ewropa.”