Roniştişê dewaya polîsê tirkî Kazim B.yo ke Recep Hantaş qetil kerdbi, ame taloqkerdene.

Polîsê bi nameyê Kazim B. 14ê nîsana 2019î de Amed de Recep Hantaşo (20) ke Sumerpark de roniştêne pê çeke kiştbi. Roniştişê dewaya polîsê kiştoxî Mehkemeya Cezaya Girane ya Amedî de ame kerdene.

Polîso kiştox nêame roniştişî la avûkatê ey û birayê Hantaşî Efe Hantaş û avûkata Hantaşî tewrê roniştişî bîyî. Avûkata Hantaşî Şîlane Elmas waşt ke polîso kiştox wa bêro tepiştene.

Heyetê mehkeme roniştiş taloqê 16ê gulane kerd.