28ê teşrîna peyêne ya 2015î de wextê 'qedexeyê tebervejîyayîşî' de qezaya Sûrî ya Amedî de verê Mînareyê Çarlingî de Serekê Baroyê Amedî Tahîr Elçî amebi kiştene. 

Dewaya Tahîr Elçîyî de 3ê ci polîsî 4 vergumanî yenê hukmkerdene. Roniştişê verênî yê dewa Mehkemeya Cezaya Girane ya 10. ya Amedî de dest pêkerd.

Derheqê polîsanê vergumanan  F.T., S.T. ile M.S.yî de 'qestî ra kiştişî' ra 3 serran ra heta 9 serran cezaya zîndanî yena waştene. Derheqê vergumanê fîrarî Ugur Yakişirî de zî cezaya muebede yena waştene.

Roniştişî ra verî verê edlîya hetê polîsan ra gêrîya binê ablûqa. Salona roniştişî, korîdor û zereyê edlîye de zî bi seyan polîsî kom bîyî.