Dewa Hêni ya qezaya Dîyarbekirî Cewze de gedeyê ke şinê sinifa şeşine ra 120 wendekarî pêro kirdkî (zazakî) sey dersa weçînitî tercîx kerde.

Dewa Cewze 9 kîlometre durê Hêni de ca gêna û dewe de pêro kesî zaravaya Kurdkî ya zazakî qisê kenî. Kampanyaya Dersa Weçînitî ya ke emser dezgeyanê sîvîlan û partîyanê sîyasîyan paştî dabî ci tesîrê xo şarê dewa Cewze ser o kerd û dewe de 120 wenekarê sinifa 6ine pêro zazakî sey dersa weçînikî tercîx kerde.

Bi ziwanê dayîke wendiş bonder bîyê

Gedeyê ke keyeyanê xo de zazakî qisê kenê, hewte ra rayêk bi yew saete zî mekteb de dersa zazakî gênê û bi no qayde wendiş û nuştiş bonder benê.

Çime: Amida Haber

 ( Xebera Taybete: Gonul Morkoç)