Dewa qezaya Çewlîgî Kanîreş Azîzan de mîyanê aşmêk de kerjeyan cai 20 kesan ro. Dewijê ke naye ver nêeşkenê heywananê xo biçernê û awe bidê hêga û baxçeyanê xo îdarekaran ra wazenê wa tedbir bigîrê. 

Dewa qezaya Çewlîgî Kanîreş Azîzan de mîyanê aşmêk de xeylê hedîseyê Adirê bi gonî yê Kirim Kongo (KKKA) qewimîyay. 

Dewe de 300 keyeyî estê û mîyanê aşmêk de kerjeyan ca 20 tenan ro. 20 kesê ke kerjeyan ca înan ro wedarîyaya Nêweşxaneyê Dewlete yê Çewlîgî. Nê 20 kesan ra 4 kesî zî sewqê Nêweşxaneyê Unversîteya Dîcle ya Amedî bîyî. 4 kesan ra 2 kesî tabûrcî bîyê û tedawîya 2 kesan dewam kena. Dewijî naye ver  heywananê xo nêvejenê çere û awe nêdanê hêga û baxçeyanê xo.
 

‘WA TEDBÎRÎ BÊRÊ GIREWTENE’

 
Dewijan ra Helîm Bek îeh kerd ke tersa kerjeyan ver nêeşkenê keyeyanê xo ra vejîyê teber û wina va: "Nê, kerjeyê heywanan neyi kerjeyê jehrin ê. eke xo birenê kesî cade xo erzenê leşa merdimi mîyan. Heta nika dewa ma de çîyêko winasî çin bi. Ma nêzanê ke nê kerjeyî ça ra ameyê dewa ma. Rîyê nê kerjeyan ra qasê aşmîyo ke ma awe nêdanê hêgayanê xo û heywananê xo nêbenê çere. 

Muxadrê dewe zî vano, Ma çend rey Miduriyetê Heywankarî û Zîretî rê muracat kerd ke wa ma rê ardim bikê, la heta nika çewî ma rê ardim nêkerd û tedbîrêk nêgirewt.
 
Çime: Ajansê MA