Navenda Nûçeyan - Dezgeha Xêrxwazî ya Bizîşkên Kurdistanê hêvîyekê ji Kurdên li Almanya dimînin dike, ji ber ku xwedîyê wan li welêt di rewşeke dijwar de dijîn û pêwîstîya wan bêhtir bi alîkarîyan heye, têçûna zêde ya merasîmên sersaxîyê li Ewropa nekin û ji bo hejar û malbatên şehîdan bên şandin.

Dezgeha Xêrxwazî ya Bizîşkên Kurdistanê ku daxuyanîya xwe li ser hejmara xwe ya tora civîkî “Facebook” belav kir, wiha tê de hatîye:

“Gelî xuh û birayên hêja !

Em weke "Dezgeha Xêrxwazî ya Bizîşkên Kurdistan" û civaka civîl - bi rihsipî û zaneyên xwe ve, li Akadimîya Kurdistan Navnetewî li bajarê "Kassel - Elmanîya", di 1/3/2020 an de, kom bûn û me li ser pirsa li darxistina "Te'ezîyan - şînê", guftûgo kir, ji ber ku Te'ezî bûne barekî giran di mesrûfê de li ser xelkê, ku ehlên wan li welêt di rewşeke dijwar de dijîn û bihtir hewceyî arîkarîyê ne ji wan.

Piştî danûsitandinê, civatê ev xalên jêrîn ji boyî birêvebirina Te'ezî Yan be durist dîtin:

- Dana xwarin û fêkî were rakirin. Bi tenê av û ça û qehwe di Te'ezîyê were dan.

- Heçî malên wan ji qonaxa seetkê û wêdetir dûrî bajarê "Kassel - yan jî cihê Te'ezîyê" be, dikare bi rêya telefonê, yan jî internetê, serxweşîya ehilên rehmetî bike.

- Ji dêla wê mesrûfa zêde,bila xêra mirî, were rêkirin bo feqîr û perîşan û zarwên şehîndan re li welêt,û herwesa ji kirîna derman û pêdivîyên nexweşên tengezar re.

- Te'ezî rojeke tenê be,ji seet 11:00 - 18:00

- Pêwîst e ku xelk, berî wext, bi cihê Te'ezîyê werin agehkirin, qene bikaribin rehet bi "erkên" xo rabin.

K24