Dezgeha Xêrxwazî ​​ya Barzanî li Efrînê xwendekarên ku kursên zimanê Kurdî û Îngilîzî qedandibûn xelat kirin. Xwendekaran jî dilxweşiya xwe ji fêrbûna xwendin û nivîsandina kurdî nîşan didin.

ndamê Desteya Birêveber a Dezgeha Xêrxwaziya Barzanî Ebdulwahid Emîn ji K24ê re got: “Wek Dezgeha Xêrxwaziya Barzanî em xwe serbilind dibînin ku em beşdarî vê ahenga derçûna çend xwendekaran xula zimanê kurdî û îngilîzî de bûne. Dezgeha Xêrxwaziya Barzanî piştevaniya van xulan kiriye, ta ku ev xwendekar bikarin beşdariyê di avakirina welatê xwe û bi taybet Efîrnê de bikin.”

Mamosteya Zimanê Kurdî Şîrîn Hac Ebdo got: “Dezgeha Xêrxwaziya Barzanî ber 6 mehan astên yekem, duyem û sêyem ên kurdî vekirin. Ez jî wek mamoste, min astên kurdî dan û îro jî wergirtina bawernemayên wan e. Em pir dilxweş in ku xwendekar xwastin fêrî kurdî bibin.”

Xwendekar Avêsta Mistefa: “Min di xuleke Dezgeha Xêrxwaziya Barzanî de xwend û min asta yekem û duyem derbas kir û niha asta sêyemîn dixwînim. Îro em bawernameyên xwe wergirtin. Ez spasiya Dezgeha Xêrxwaziya Barzanî dikim ji ber ku em fêrî zimanê me yê dayikê kirin.” 

Li ser dirêjahiya nêzî 2 salên borî, Dezgeha Xêrxwaziya Barzanî alîkariyên mirovî û piştgirya derûnî pêşkêşî xelkê Efrînê dike, di heman demê de jî xulên fêrkirina zimanê kurdî û çalakiyên girêdayî bi kultûra Efrînê dike.

Çavkanî: Kurdistan 24