Merkezê Xeberan - Hukmatê Tirkîya seba tesdbîrî keno ke hepsxaneyan de qismêk hepsîyan serbest verado. La lîsteya hepsîyan e hepsîyê sîyasî çin yê.

Dezdeyê Elewîyan semedê talûkeyê vîrûsa korona pêro-pîya beyanat day û waştî wa heme hepsîyê ke hepisxaneyan de yê serbest bêrê veradayene.

Konfederasyonê Yewîya Elewiyanê Ewropa, Federasyonê Bektaşiyanê Elewî, Federasyonê Komeleyê Elewî, Federasyonê Weqfanê Elewî, Komeleya Kulturî ya Pir Sûldan Abdalî, Komeleya Kulturê Elewiyan, Weqfê Kulturê Anatoliya Haci Bektaş Welî û Komeleya Elewiyanê Demokratîk pîya beyanatêko wertax day.

Beyanatê rêxistinanê Elewîyan de wina ame vatene: Qnûno ke ameyo hadrekerdene ganî seba pêruna hepsîyan derbaz bibo. Serbest veradayîşê kesê ke hişber roşenê domananê ma, ê ke cinîyan rê tecawuz kenê û cinîyan qetl kenê nêno qebûl kerdene. Tirkîya de heme hepsisxaneyî bi mehkuman dekerde yê. Na hûmare zaf zêde ya.  Weşîya hepsîyan her çî ra muhîm a . Eke virus hepisxaneyan de vila bibo do netîceyêko zaf xirab vejîyo werte. Coka ganî pêro hepsîyê ke hepisxaneyan de yê ganî serbest bêrê veradayene.