DFGyî eşkera kerd ke serra 2020î de 79 rojnamegerî ameyî destbendkerden û 24ê înan ameyî tepiştene.

Komeleya Rojnamegeran a Dîcle Firatî (DFG) raporê binpaykerdişê heqanê rojnamegeran ê serra 2020î eşkera kerd.

Goreyê raporî 2020 de 79 rojnamegerî ameyî destbenderden û 24ê înan ameyî tepiştene, 19ê rojnamegerî raştê hêrişî ameyî û 1960 xeberan rê resayîş ame astengkerdene.
Eşkerayîye vajîya ke rojnamgeranê kurdan rê tedayî bena û sey her cayê cuye çapemenî de zî tengayîya tewr pîle kurdî ancenê.

Raporê DFGyî yê serra 2020î de wina yo: ''79 rojnamegerî ameyî destbendkerdene, 24 rojnamegerî ameyî tepiştene, 19 rojnamegerî raştê hêrişî ameyî, 17 rojnamegerî raştê muameleyê xirabî ameyî û înan rê tehdît amekerdene ke ajanîye biker.12 rojnamegerî wexto ke xebere teqîb kerdêne ameyî astengkerdene, 54 rojnamegerî kewtî verê tehqîqatî, 53 rojnamegeran rê dewa ameye akerdene, 43 rojnamegeran rê cezaya zîndanî ya 150 serran û 11 rojan dîyaye û cezaya pereyî ya qasê 53.310 TL dîyaye, 539  rojnamegerî 231 dosyayan rê yenê hukmkerdene. 8 rojnameyî rîyê îlan û rekleman ra ameyî cezakerdene. 43 cezayê RTUKî. 1960 xeberî û145 sîteyê înternetî ameyî astengkerdene. 6 rojnamegerî karî ra ameyî vetene. 91 rojnamegerî hema zî tepişte yê.''