Komeleya Rojnamegeran a Dîcle Firatî (DFG) da zanayene ke menga gulane de 11 rojanmegerî ameyî destbendkerdene û 11 rojnamegerî zî raştê muameleyê xirabî ameyî.

Komeleya Rojnamegeran a Dîcle Firatî (DFG) raporê xo yê binpaykerdişê heqanê rojnamegeran ê menga gulane pare kerd û nê vatî:

''Binpaykerdişê vera rojnamegeran hinî bîyî sey îşkenceyî ke ci rê tehemul nîno kerdene. Îqtîdar menga gulane de zî vera rojnamegeran hêriş de sînor nas nêkerd. Şîdeto girano ke rojnamegeran rê yeno kerdene sûcê merdimîye yo.Wa îqtîdarê AKP-MHPyî bizano ke ê bi hêrişan nêeşkenê rojnamegeran rê çok bidê dayene. Têna menga gulane de desî ra zafêr rojnamegerê cinîyî bi hewayêkê sîstematîkî raştê tehdîtan ameyî. Tewr peynî de zî Hemsereka Komeleya Rojnamegeran a Dîcle Firatî Muftuoglu ameye destbendkerdene. Muftuoglu çîyo ke xelet nêkerdo, têna rojnamegerîye kerda ganî cade bêro veradayene.''

DFGyî vera qanûnê dezenformasyonî yê vera medyaya înternetî yo ke îqtîdarî ardo meclîs zî nêrazîbîyayîş mojna û vat: ''Bi nê yeno cehdkerdene ke mixo peyên zî bidîyo azadîya çapemenîye ro. Ganî no qanûn hema ser o nêameyo muneqeşekerdene peyser bêro antene.''

Goreyê raporê DGFyî menga gulane de

11 rojanmegerî ameyî destbendkerdene

11 rojnamegerî raştê muameleyê xirabî ameyî

10 rojnamegerî ameyî tehdîtkerdene

11 rojnamegerî ameyî astengkerdene ke karê xo bikerê

Rojnamegerêk zîndan de raştê neheqîye ame

Derheqê 4 rojnamgeran de cipersayîş dîya destpêkerdene,

Derheqê 5 rojnamgeran de dewa ameye akerdene

Derheqê 4 rojanmegeran de pêro pîya 2 serrî û 3 û 14 rojî cezaya hepsî  24.100 TL cezaya pereyî ameye dayene

Muhakemkerdişê 42 rojnamegeran dewam kerd

Hûmara rojnamegeranê tepişteyan bîye 60

Rojnamegerêk karî ra ame vetene

RTUKî cezaya 8 mengan da 4 weşanan

6 rey qerarê qedexeyê weşanî ame girewene

8 sîteyê înternetî ameyî qefilnayene

14 xeberan rê resnayîş ame astengkerdene

3 muhtewayê medyaya sanale ameyî astengkerdene.