Vekirin ji aliyê Nûnera Bilind a Têkiliyên Derveyî yên Yekîtiya Ewropayê Federica Mogherini, Direktora Ofîsa Brukselê ya Neteweyên Yekgirtî Barbara Pesce- Monteiro û çêkerê abîdeyê Hunermendê Îspanyolî Cristobal Gabarron ve hate kirin.

Gabboronê çêkerê abîdeyê got: Goga neynikî sembola dinyayê ye û 70 mirovên li serê jî 70 salên wê sembolîze dikin ku tê de jin, mêr, astengdar, çeremreşk, sipî, pîr, ciwan, lawaz û qelew hene, ev jî tevahiya mirovahiyê, curbicurî û pirçandîyî sembolîze dikin.

Li aliyekî din, li Tirkiye û Bakurê Kurdistanê, binpêkirina mafên mirovan, her diçe zêde dibe. 

Li gor raporta Komeleya Mafên Mirovan, Rewşa Awarte ya îroyîn, ji salên 1980î xirabtir e û mayîndekirî ye ku ne pêkan e behsa mafên mirovan bê kirin û ji ber vê jî berê Tirkiyeyê ji Rojavayê, ber bi Rojhilatê ve, ji Rêziknameyên Siyasî yên Kophenhagê ber bi rêziknameyên 5ên Şangayê ve diçe. Di çespandina KHKyan de Destûr hate binpêkirin û rewşa civakeke demokratîk ji holê rabû. Di rewşa Awarte de lêgerîna mafan êdî nepêkan bûye. Parlamenteriya 10 parlamenteran hatin betalkirin û dest danîn 99 şaredariyan. 

Di vê pêvajoya Rewşa Awarte de bi KHKyan 116.512 kes ji kar hatine dûrxistin û gelek rojname, kovar û komele hatin girtin.

Li aliyekî din li girtîgehan,gelek binpêkirinên mafê mirovî hatin pêkanîn.

33 kes ji aliyê hêzên ewlehiyê ve hatine kuştin û 2682 kes jî rastî îşkenceyê hatine.

Di raporta 2017an de İHDyê bale kişand binpêkirinên li Bakurê Kurdistanê û got:

Li bajarên Kurd lê dijîn, piştî 2015an ku şer cardin da destpêkirin, mafên jiyan û tenduristiyê yên zêdetirî 1.5 milyon kesî ku mafên bingehîn in, hatin binpêkirin. 94 şaredariyên bajar û navçeyan ji aliyê qeyûman ve têne birêvebirin û doz ji serokên şaredariyan re hate vekirin ku ji aliyê gelî ve hatibûn hilbijartin. Li aliyekî din digel Selahattin Demirtaş û Figen Yksekdağ ên hevserokên partiya HDPê, 9 kes girtî ne.