Di hilbijartinên Sûrîyê de 4 parlemanterên bi eslê xwe Kurd hatine hilbijartin, 2 ji wan Kurdên Şamê ne. Ji Efrînê jî endamekî Kurd ê partîya Beasê û li Hesekê jî endamekî Kurd ê partîya Komunîst hatine hilbijartin.

Di xûla nû ya parlemana Sûrîyê de, ji koka 250 endamî, tenê 4 parlemanterên bi regez Kurd hene. Piştî derçûna encamên hilbijartinên parlemana Sûrîyê, dîyar bû ku  ji koka 250 endamî, tenê 4 endamên Kurd hatine hilbijartin. Li Şamê, Emar Bekdaş, bi regez Kurd e, û sekreterê Partîya Komunîst e. Herwiha Samir el Eyûbî, ku bi regez ji Kurdên Şamê ye. Li herêma Helebê, Alan Bekir, ku xelkê Efrînê ye û endamê Partîya Beas e.  Li parêzgeha Hesekê jî, Ebdulrehman Xelîl ku endamê Partîya Komunîst e.

Li gor daxuyanîyên fermî yên komîteya Bilind a hilbijartinan, rêjeya dengdanê pir kêm bûye, 19.000.000 kes ji mafê wan bû deng bidin. 6.224.687 kesan dengê xwe dane. 33.17% rêjeya dengdanê bûye.

Derbarê kêmbûna rêjeya dengdanê, Hîşam el-Şear, wezîrê Dadê got: “Sedema rêjeya kêm a dengdanê di hilbijartinan de bahora Koronayê û hejmara mezin a Sûrîyan li derveyî welat bû ku ne ji mafê wan bû deng bidin.”

Roja sêşemê, Komîteya Dadwerî ya Bilind a hilbijartinan encamên hilbijartinên Parlemana Sûrîyê ragihandibûn. Li çend parêzgehan, hejmarek kandîd tane di encamên wan hilbijartinan dane. Li parêzgeha Hemayê jî, xwepêşandan li dijî encaman bi rê ve çûn.