Di dema hevdîtinên Komîsyona Makeqanûnê de, ji be provakasyona AKP'ê niqaş derket û veguherî pevçûnê. Di pevçûnê de lêva Wekîlê HDP'ê Erdal Ataş teqiya û ji pozê wî xwîn hat, di buyerê de jinên HDP'î jî hatin derb kirin.

Hevdîtinên pêşniyara ji bo "rakirina destnedanan" a ku li Komîsyona Makeqanûnê ya Meclisê de tê dîtin, Parlamenterê HDP'ê yê Mêrdînê Mîthat Sancar mafê axafinê girt û diyar kir ku pêşniyar li dijî qanûnê ye û xwest destpêkê komîsyon vê mijarê binirxîne û beyî ku muzakare bike bê îade kirin. 

Sancar bi lêv kir ku wekî hinceta destnedanê, 'di raya giştî de rê li înfîalê re hatiye vekirin' û wiha got: "Wê demê di navbera 17-25'ê mijdarê de înfîal tune bû? Raya giştî ne bi bertek bû? Gel ne ji me aciz e, kesên ji me aciz in, hikûmet û medyaya girêdyî wê ye."

Pişti navbere pevçûn derte

Niqaş û hevdîtinan nêzî 5 saetan berdewam kir. Nêzî 2 saetan navber dan. Piştî navbera 2 saetan dîsa niqaş û hevdîtinan dest pê kir. Lê ji ber ku cih nedan wekîlên HDP'ê di navbera wekîlên AKP'ê û HDP'ê de niqaşên tund derketin. Di navbra Cîgirê Serokê Koma HDP'ê Îdrîs Balûken û Wezîrê Dadê Bekir Bozdag de niqaş derket. Di encama niqaşan de Baluken got "Ez dawetî nezaketê dikim" Piştî wekîlên AKP'ê êrîşî wekîlên HDP'ê kirin pevçûn derket. Wekîlên AKP'ê Feleknas Uca û Ayşe Bajaran dahftan û tundiya fîzîkî li ser wan meşandin. Wekîlên AKP'ê gotin çi karê wekîlên jin li vê odeyê heye. Bila wekîlên jin ji vir derkevin. Hin wekîlên AKP'ê jî gotin: "Teroristan bi ser meclîsê de girt" û kirin qêrîn. 

Piştî niqaşên devkî pevçuna fîzîkî derket. Di êrîşa wekîlên AKP'ê de wekîlê HDP'ê yê Stenbolê Erdal Ataş birîndar bû û devê wî xwîn bû. Piştî pevçûnê wekilên CHP'ê xwestin heta roja duyemê navber bê dayîn.
DIHA