Wezareta Elektirîka Kurdistanê ragihand, di rojên bêhnvedana cejna Qurbanê de dê elektirîk zêde bibe.

Berpirsê kontrola elektirîkê li Wezareta Elektirîka Kurdistanê, Umêd Mihemed got, havîn e û gelekî germ e lê dîsa jî em hewl didin herî kêm rojane 15 saetan elektirîka giştî bidin welatiyan.

Umêd Mihemed her wiha got, di rojên bêhnvedana cejna Qurbanê de dê elektirîk zêde bibe ji ber ku tevahiya dezgehên fermî di bêhnvedanê de ne û giranî li ser xeta elektirîkê kêm dibe ji ber wê jî rewşa elektirîkê dê ji niha baştir bibe.