Parlamentoya Kurdistanê pêşniyazyasaya berdewamkirina xula pêncem a Parlamentoya Kurdistanê xiste ber dengdanê û piraniya dengan, hat pesendkirin.

Xula pêncem a Parlamentoya Kurdistanê dê zêdetirî saleke din berdewam bike. Li gor wê pêşniyazyasaya, xula pêncem a parlamentoya Kurdistanê dê heta dawiya werzê yasayî ya Payîza 2023an berdewam bike.

Di xaleke din a pêşniyazyasaya de hatiye gotin ku divê di vê heyamê de rêkarên yasayî, îdarî û teknîkî ji bo lidarxistina hilbijartinên pak û adil bên temamkirin.

Temenê vê xula Parlamentoya Kurdistanê ku 6ê Mijdara 2022an bi dawî dibe, 45 parlamenterê Partiya Demokrat a Kurdistanê (PDK), 22 parlamenterên Yekîtiya Niştimanî ya Kurdistanê (YNK), 7 parlamenterên Tevgera Goranê û 11 parlamenterên firaksiyona pêkhateyan di destpêka vê mehê de pêşniyazyasaya dirêjkirina temenê xula pêncem a Parlamentoyê îmze kiribûn.

Peyamnêrê K24 da zanîn, her yek ji Yekgirtûya Îslamî ya Kurdistanê û Komelgeha Dadgerî ya Kurdistanê rûniştina îro ya Parlamentoya Kurdistanê boykot kirin.

ÇAVKANÎ