Wezîrê Karên Derve yê Sûriyê Welîd Muallîm wiha berdewam kir: “Operasyona li dijî Idlibê hedef kiriye ku cîhadîstên li herêmê, paqij bike. Divê hêzên navnetewî jî vê tevgerê, wekî mafê Sûriyê yê hukumraniyê bibînin. Di 7ê Êlûnê de li Tehranê em ê ji bo pêşeroja Idlibê biryara dawî bidin.”

Di derbarê Kurdan de jî Muallîm wiha axivî: “Em ji birayên xwe yên Kurd re dibêjin ku ew jî parçeyekî Sûriyê ne, divê mirov li Amerîkayê ewle nebe. Bi Kurdan re em ji diyalogê re amade ne. Lê belê xetên me yên sor jî hene. Em nahêlin Sûriye parçe bibe.”